जब भुंदरा बौ तैं टाई पैरणो दिए गे
चबोड़्या स्किट संकलन ::: भीष्म कुकरेती
------------चरित्र -------------
भुंदरा बौ
सरकारी नेता
विरोधी नेता
क्षेत्रीय राजनीतिक दलक नेता
दरबान
---------
[स्थान एक निपाणि डाँड़ ]
[भुंदरा बौक तीसक मारा बुरा हाल छन। वा ल्हसरोंदि , ल्हसरोंदि , पोड़ि पोड़िक चिल्लाणी च ] -पाणी द्यावो , पाणी द्यावो ! मि तिसा मोरि ग्यों।
भुंदरा बौ- पाणी द्यावो , पाणी द्यावो ! मि तिसा मोरि ग्यों।
क्षेत्रीय दल का नेता - ले हमर दलका तरफ से टाई पैर ले।
भुंदरा बौ - मि तै तीस लगीं च। टाइ ना पाणी चयेणु च।
[नेता चल जांद ]
भुंदरा बौ- पाणी द्यावो , पाणी द्यावो ! मि तिसा मोरि ग्यों।
विरोधी दल का नेता -ले हमर दलका तरफ से टाई पैर ले।
भुंदरा बौ -आग लगलि तेरी टाई पर। मि तै तीस लगीं च तू टाई पैराणु छे।
[नेता चल जांद ]
भुंदरा बौ- पाणी द्यावो , पाणी द्यावो ! मि तिसा मोरि ग्यों।
सरकारी दलका नेता - ले टाई पैर ले
भुंदरा बौ- अबे मि तै पाणि चयेणु च ना कि बिगरौ
[नेता चल जांद ]
भुंदरा बौ- अरे समिण पर गंगा वाटर फिलिंग फैक्ट्री च। मि भितर जांद।
भुंदरा बौ- ये दरबान भुला ! मि तै तीस लगीं च। फैक्ट्री भितर जाणि दे।
दरबान - पैल टाई पैरिक आ। बगैर टाइका क्वी फैक्ट्री भितर नि जै सकद।
7/4/15 Bhishma Kukreti , Mumbai India
No comments:
Post a Comment